Oktober vacantie ta den porta y hopi ciudadano tin nan pasashi cumpra pa biaha bay diferente pais, e unico cos cu porta nan falta ta nan COVID-19 test negativo pa por drenta e pais cu nan ta bay bishita. No ta tur pais ta exigi un COVID-19 test pa por drenta, pa sa cua pais ta exigi esaki ta nesesario pa e biahero informa su mes di esaki serca e aerolinea cu e ta bay biaha cu ne.
DVG pa e motibo aki kier informa cu pa haci e COVID-19 test nesesario pa por biaha ta nesesario pa e biahero tuma contacto cu un laboratorio cu ta brinda e servicio di testing dentro di e tempo stipula. Pa haci un COVID-19 test pa por biaha e ciudadano NO mester yama dokter di cas, tampoco mester yama DVG y no mester aplica pa e test via e sistema di test online. E prosesonan aki ta unicamente pa personanan cu tin sintoma di COVID. Pues pa por rekeri un COVID-19 test pa por biaha e biahero mester tuma contacto cu un laboratorio cu ta brinda e servicio di test pa laga haci e COVID-19 test nesesario.
