MAN-PIN a tuma nota di e preokupashon tokante gastunan haltu pa loke “swipe”. Esaki ta trese kun’e ku e gastunan por wordu impone riba e pueblo konsumido òf ta kuminsa stimula mas uso di sèn kèsh den nos komunidat.
Nos ta mira esaki komo un situashon negativo pa komunidat. E echo ku mundu komersial por skohe pone esaki riba e pueblo komunsumido ta nifika un oumento atrobe di kosto di bida pa pueblo. E efekto riba pueblo i komersiante ta bai bira inpagabel. Oumento di kosto di bida riba ta nifika ku nos bida ta bira mas karu i kasi no por tin bida desente kaminda ta kumpli ku tur e nesesidatnan basiko.
Magina e efekto ku un persona ku yega na supermerkado ku mester laga produkto di prome nesesidat para paso su sen no ta yega. E persona ku ta bai baha na su aktivdatnan ekonomiko ku e ta hasi p.e. bai kome na un resaturant. Ta nifika ku e restaurant no por sigui drai ku e konsekuensia ku hende ta perde trabou, ekonomia ta kibra i gobierno ta perde entrada.
Banda di esaki e sistema nobo ta duna hopi difikultat na e suidadano pa hasi pago na establesimentunan i tambe kumpli ku obligashon primordial di tur luna. Den prensa nos por tuma nota ku Aqualectra kual ta un kompania vital tambe ta mustra su preokupashon den e oumento di gastu di swipe. Esaki sigur ta lanta pregunta i preokupashon den komunidat pa esaki no redunda den oumento di gastu di energia pa e pueblo konsumido.
Konforme di Reglamento di orden nos a hasi e siguiente pregunta na Gobièrnu:
- Minister ta altura di oumento di gastu di swipe?
- Minister ta konsiente ku e situashon por perkura na stimula mas sèn kèsh den srikulashon?
- Minister ta konsiente ku esaki por ta oumento di kosto di bida pa komunidat si komersio disidi di oumentá preis pa motibu di oumento di gastu bankario?
- Kiko ta Minister su intenshon òf pensamentu pa atende ku e situashon aki ku ta un preokupashon grandi bou di komersio i komunidat?
- Minister ta konsiente ku esaki tin influensia negativo direkto riba empresario pero sigur esun chiki i ZZP’er?
- Ki ta loke Gobièrnu i Banko Sentral por hasi pa evitá ku kosto di bida i gastu di hasi negoshi ta subi?
MAN-PIN ta urgigobièrnupatumaakshonnainteres di e pueblo. E hende, e komersianteku ta kedaafekta ta yu di tera.