Parlamento Hubenil a prepara un evento Control Alt Lead Camp. E iniciativa aki ta dirigi riba hobennan di Aruba cu tin e deseo pa desaroya nan habilidad nan di liderazgo y pone nan mes den practica.
E idea tras di e campamento ta pa duna hobennan e oportunidad pa desconecta un rato for di nan rutina diario, manera nan estudio, y hiba nan na un otro caminda. E programa ta cuminsa cu dos siman y mey di ambiente laboral, sigui pa tres siman unda e bos di hubentud ta wordo comparti tocante diferente topico di interes y pa wal e lider den nan mes.E prome siman ta hiba como tema “lider den mi “ y e di dos siman ta wak como tema cu ta riba “naturalesa” y e di tres siman a trata “ e Voz di Hubentud “.
E nomber “Control Alt Lead” ta inspira riba e combinacion di tecla di computadora (Control + Alt + Delete). E meta ta pa un hoben “apaga” e control bieu, activa un control nobo, y manda e comando pa duna espacio na un lider nobo pa guia e caminda.
Milvienne Dijkhoff ta hopi contento cu un grupo di mas o menos 50 hoben a participa den e proyecto aki y asina Parlamento Hubenil ta crea mas lider nan den nos comunidad.
Parlamento Hubenil ta existiendo 23 aña, y e meta tras di e campamento aki ta pa prepara e siguiente generacion di lidernan, stimula pensamento critico, y forma e hobennan pa tuma decisionnan cu lo trece un impacto positivo pa futuro di nos pais.
