Durante e promé luna di aña 2023
Durante luna di yanüari, Tourism Corporation Bonaire (TCB) a rekonosé nuebe wéspet komo embahador di Boneiru. Nan a haña rekonosementu den kategoria di bròns, plata, oro i platina.
Den kategoria di bròns a honra Thomas i Lisa Bielli ku ta bishitando Boneiru pa 10 aña. Daniel Moore i Marcy Wade a keda honrá den kategoria di plata pa 15 aña di bishita na Boneiru, miéntras Harold, Cindy i Katelyn Oliver a risibí nan medaya di oro pa respektivamente 20 i 24 aña di bishita na nos isla.
Den kategoria di platina a honra Stephani Davis i Judy Calhoun ku ta bishitando Boneiru pa respektivamente 40 i 41 aña. Helen Mercera a ofisialisá e seremonia di rekonosementu i a hasi entrega di tantu e sertifikadonan, e fenetanan di bròns, plata i oro i tambe e plakatnan di platina.
