Na luna di aprel último, Tourism Corporation Bonaire (TCB) a duna rekonosementu na dos bishitante prosedente di Merka ku ta bishitando Boneiru pa 20 aña kaba.
Ta trata akí di Jeffrey Gorman i Sharon Lindsey. Nan ta enkantá ku nos isla, pa su sitionan di buseo i su sitionan eksótiko. Na e okashon akí nan a risibí nan sertifikado i feneta di oro.
Tambe nos a rekonosé sr. George “Kultura” Thodé ku dia 1 di aprel 2026 a selebrá 45 aña den servisio di STINAPA. “Kultura”, manera tur hende konosé, a kuminsa traha for di edat yòn na Washington Park. Su konosementu riba tereno di kultura i naturalesa boneriano ta amplio.
Pa su aporte na konservashon di nos kultura i naturalesa i na dunamentu di informashon riba e terenonan aki, TCB a honra sr. George Kultura tambe komo un embahador di Boneiru. El a risibí un plakat di merito pa tur su trabounan desplegá.
Pa TCB, Helen Mercera a ofisialisá e seremonianan i tambe a hasi entrega di feneta, sertifikado i plakat na nos embahadornan.
