Prestashon mensual di turismo na Boneiru
Tourism Corporation Bonaire (TCB) ta partisipá ku na luna di mart 2023 Boneiru a yama bon biní na en total 16.367 bishitante stayover. Na mart 2019 a registrá 16.000 bishitante stayover. A registrá 2,3% mas bishitante kompara ku mart 2019. E dos merkadonan di origen mas grandi di nos isla ta mustra vários señal di kresementu. Tabatin en total 7.520 bishitante hulandes (46%) i 3.832 bishitante stayover merikano (23%). Nos bishitantenan stayover hulandes ta bini prinsipalmente for di e parti sùit i nort di Hulanda. Mayoria di nos bishitantenan stayover merikano ta bini for di e siguiente ocho estadonan: Florida, California, New York, Pennsylvania, Colorado i Texas. Mas aleu 2.045 (12.5%) di tur e bishitantenan na Boneiru a bini for di nos isla besiña Kòrsou.
Den luna di mart Boneiru a risibí 532 turista stayover aleman, ku kua Alemania luna pasá a bira e di kuater merkado di nos isla ku a presta mas mihó.
Vários merkado sekundario, entre otro Canada, Aruba, Bélgika, Reino Uní i Suisa den luna di mart 2023 a mantené e mesun partisipashon den merkado kompará ku febrüari 2023.
Kontinuamente TCB ta evaluá e situashon di nos industria di turismo pa medio di vigilá e indikadónan mas importante di prestashon i kompará esakinan ku e situashon di promé ku e pandemia. Komo un di Boneiru su añanan di mas eksitoso, awor akí aña 2019 ta sirbi komo barometer pa midi turismo na nos isla.
Bishitantenan for di Merka a keda un promedio di 7 anochi, miéntras bishitantenan for di Hulanda a keda 14 anochi. Mas aleu mayoria bishitante merikano ta di edat mediano (55+), i mayoria bishitante hulandes ta 45+.
Na luna di febrüari 2023 29 barku krusero a bishitá Boneiru, ku en total 74.863 pasahero.
Por haña e último aktualisashonnan pa e próksimo temporada krusero riba e wèpsait www.bonaire.portcall.com.
Bishitá www.bonaireisland.com òf tuma kontakto ku nos via info@bonaireisland.com pa mas informashon i estadístika.