EDISHON DIA NACIONAL 18 MAART 2026
Ki bunita ta ora nos recita poema bao shelo na strea, poema cu amor pa mi Aruba ! Manera na nos
nochinan di poesia mensual of cada pasa dos luna organisa pa Basha Foundation Vibration PR, asina
Lady Ruth a recita su poema : “Curason di Aruba” bao di su paraplu di canchi blanco, teni pa e gentil
cabayero Poeta Luis Enrique Wever, elegantemente bisti den su jacket largo, dilanti un publico grandi
riba e pleinchi dilanti Nicolaas Store Kulture Café den curason di San Nicolas diasabra dia 14 di maart
ultimo. Un competencia cu 18 participante.
Nos a encanta e anochi di poesia aki y a duna di nos curason,
no pa wordo premia, pero pa comparti cu pueblo mas amor pa nos dushi isla. Pero….con cu wak of bire e
ta keda un competencia cu a hanja oido di nos poetanan pa no a tene e competencia aki den un tent pero
den aire liber of den un otro lugar, na unda e inspiracion por sigui bula den biento hibe pa tur cu tin
mester di scucha algo positivo bunita dedica na Aruba. Bunita cu ta bin cada bes mas poetanan hoben
nobo aserca cu ta gana den nan prome salida, ta nan tin cu bay sigui carga esaki den futuro. Ta fastioso y
hopi laf cu tin participantenan di anjas cu nunca a cay den e premionan, nunca a sali ganador den e top 5
pero cu toch ta sigui participa, pasobra nan ta sportief y ta hasjele pa nan dushi isla. Nos a ricibi oido
tambe pa e certificado cu e biaha ki tawata placificeerd, pues, proteha pa plastic enves di den un lijshi cu
ora bo colge na cas ta habri fey otro kita kay. Awor lo ta nice si nos poetanan participante wordo invita pa
come un breakfast of lunch of dinner hunto pa sigui intercambia di pensamentonan poetico como aprecio
pa tur mescos, ya cu tur poema ta un bunita obra unico riba su mes, tin biaha dificil pa huzga.
Esey ta nos sonjo pa futuro. Dunando danki na ATA pa e bunita etui cu cositanan leuk den dje y danki na e comishon organisador pa e boeki compila di tur e poemanan participante di e anja aki. Y locual a bin aserca cu un poeta por sali ganador maximo 3 biaha. Lo ta nice pa nan sigui bin tambe, pero como guest star y sigui inspira tur rond di nan cu nan palabranan poetico bunita. Nos a kere cu Jhon Fredy Montonya lo a
presenta como guest star, pero esey no tawata e caso, pero ela skirbi un poema super bunita laga Jessica
Alexa Croes recite. Jhon Fredy a zona rabia ainda cu Lady Ruth y ta culpa nos di a vocifera pa pueblo cu
a fada di e mesun ganador hopi biaha tray otro.
Tin hende ta pidi pa Jhon Fredy bin bek como participante, pero pa e no yora ora e hasi fout ,manera ela yega di hasi, den un di e competencianan cu ela hasi fout y bay patras yora y despues subi stage bek. Ora cu coleganan poeta a kere cu un otro lo gana, toch asina mes cu su foutnan ela gana atrobe. Por ta tawata tin un of mas miembro di jurado cu pasa loke pasa ta Montonya tin cu gana atrobe ? Enfin, manera priminti, ata ki nos poema di Poeta Patria 2026. Cu e deseonan pa un dushi celebracion di nos Dia Nacional den famia y den comunidad. Pabien Aruba cu 40 anja Status Aparte y 50 anja di nos Bandera. Hisa bo bandera y keiro rond riba bo dushi isla bishita e diferente actividadnan. Pabien DCA su dinamico team pa un bon Poeta di Patria organisa dilanti Nicolaas Store , danki na Nico Connor pa su dushi musica di steelpan, danki na e incansabel Julie Merencia y Eleen Rasmijn. Pabien na tur e 5 ganadornan merecidamente ! Prensa lo pone nan relato di esaki den corant y on line of DCA mes lo manda nan relato. Capitulo dos di Boneiro ta bini despues cu hopi mas bunita informacion. Awor prome cu atencion pa nos Dia Nacional, nos Aruba Dag 2026.
CURASON DI ARUBA
Nos antepasadonan den biento ta murmura
Nos distinguido grandinan cu nan sabiduria
Nos bieuwnan transforma ta canta riba olanan di laman
Ora cu warawara ta bayla raya shelo cu su forsa
Nan tradishon norma balor y cultura nos a hereda
Impacta nos cu conocemento y derecho
Amor na horizonte cu nunca a bira scur cabey sinishi cara na plooi
Mente y mannan fuerte nan amor den nan sirbishi
Nan forsa ta bula cu nos bandera di yuda duna scucha y conseha
Oh ki amor grandi pa nos Aruba dushi tera
Cu bayle di indjan trahado y halado
Nan a sinya nos hopi cos
NO caba cu nos dushi grandinan
NO laga nan wordo neglisha y lubida
Duna nan amor tempo atencion incondicional
Dios mes lo bolbe pa nan un dia
Ora nan bida spiritual cuminsa
Ora nan ricibi nan trofeo y corona
Di nan mision aki na mundo cumpli
Curason di Aruba boso nos ta gradici y stima
Ruthy Lady Ruth Vrieswijk-Bergen
