Stichting Rancho ta sigui e desaroyonan di waf chikito di cerca. Pa varios aña e waf chikito aki a keda uza pa e piscadonan di Rancho unda cu tabata sali cu nan famia pa asina bay pisca pa trece cuminda na cas. E waf chikito aki tin su historia unico cu ta mara na e bario di rancho y su hendenan.
Stichting Rancho a investiga y a haya sa diferente funcionnan cu e waf aki tin y kico e tabata significa pa Aruba completo, pero principalmente pa e bario di Rancho. Sinembargo cu tempo por a mira un desaroyo y por a mira cu decisionnan a keda tuma unda cu a bin cu un hotel y tambe un parkeerplaats cu a kita tur loke tabata e existencia di e waf. Tabata bin barco di fruta, piscado nancu tabata bende nan piscanan y tambe hasta carni di cabrito ta wordo bendi dor di local nan.
Awendia esaki no ta e caso mas, Aruba a bira un pais desaroya y turistico unda cu a pone cu e area a bira masha importante y desaroyonan importante a tuma over. Esaki sigur ta algo positivo tambe pa e isla. Pero e preocupacionnan ta keda reina den curason di piscado nan y nan famia, pero tambe den stichting rancho cu algun dia atras a yama un conferencia di prensa y mustra nan malcontento cu e desaroyo cu ta tumando luga na e hotel cu awor si despues di tanto aña a haya un desaroyando pa haci e area aki bunita manera debe ser y no lage mane un ruina mahos na e sitio.
Sinembargo Stichting Rancho ta keda boga pa existencia di e waf y ta desea pa esaki forma parti di e proyecto y cu por keda un espacio pa publico y esunnan cu ta haci uzo di e esaki por sigui haci uzo di e waf unda cu e historia por keda conta tambe na esunnan cu ta bin bishita y keda den e hotel. Pesey mes Stichting Rancho ta haci un yamada na tur e piscado nan y usuarionan di waf rancho schoenerhaven cu stichting Rancho lo colecta firma diasabra awo pa 8 or di mainta na e waf chikito pa asina nan sali padilanti y pa por conserva historia y cultura di bario di Rancho.
Stichting Rancho lo colecta firma diasabra awo na waf chikito na playa
