Wes ta para ordenansa di impuesto di awa di kloaka

Wes a disidí ku e ordenansa pa impuesto di awa di kloaka, manera  Konseho Insular a aprobá esaki, no ta bálido. Kolegio Ehekutivo a risibí informashon ku wes a duna e veredikto akí den e kaso ku Bonhata e entamá tokante e ordenansa di impuesto di awa di kloaka.

‘Entidat Públiko Boneiru tin e posibilidat pa bai den apelashon, pero mi ta preferá un kòmbersashon. Ta mi promé eskoho pa bai den konsulta ku e interesadonan i haña un areglo nobo ku por presentá na Konseho Insular. Dentro di poko e interesadonan lo risibí un invitashon pa esaki’, segun diputado Jolinda Craane.

Bonhata no tabata di akuerdo ku prinsipalmente hotèl i restorant mester a paga hopi mas tantu, kompará ku kas di famia i ofisina. Wes a duna nan rason. Segun wes e ordenansa ku Konseho Insular a aprobá ta en pugna ku e prinsipio di igualdat i proporshonalidat.