Na centro di bario playa pabao a tuma luga un momento hopi special pa e team di futbol di Busiri Boys. Elvin Geerman ta coach di e muchanan di Bushiri y ta traha cu e muchanan di Bushiri boluntariamente.
Despues di tanto lucha awe por bisa cu a logra pa e team di Bushiri Boys haya uniform y a batisa, esaki danki na propietario nan di Office System. E team di Bushiri Boys di nan propio forsa y e deseo di por a competi cu otro team nan a logra bay y hunga cu team nan renombra y bon gesponsor den un competencia na veld di Britania cu Obisbo a organisa.
Pa por a participa na e competencia aki tabata basta duro debi cu mayoria team di futbol na Aruba tin un agencia para nan tras porehempel un Bright Bakery , Compra, Marijn Traiding, Romar Tading unda cu cada compania a paga pa nan team por a participa den e competencia.
Sinembargo e Team di Bushiri Boys no tabatin esaki pero e coach cu ta kere den e hobennan aki a dicidi di para tras di full su team y cada mucha a contribui y asina hunto a bay cumpra T-shirt y print cu e intencion di participa y no competi. Sinembargo na momento cu por a mira con e muchanan a hunga bala y toca e bala bunita e muchanan a demostra cu nan a bin pa competi y asina a keda gana diferente teamnan y a yega te na final te na unda cu a sali campeon di e competencia y a bay cu tres copa. Esaki sigur ta un satisfaccion.
Coach Elvin Geerman ta sumamente contento y ta gradici tur esunnan cu di un of otro manera a yude, sr. Dennis Buckley cu semper tabatin e porta di centro di bario playa pabao habri y esaki ta hopi gradicido na dje, Su casa, Joasy Maduro ,tambe e sponsor principal cu a kere den e hobennan cu ta sr Carlos Maduro cu a para tras di e team aki unda cu a percura pa e team haya su uniform y asina representa Office Systeem.
Awo e grupo aki lo bay hunga den hoofd class, y lo cuminsa bay dedica na e chikitinnan cu ta lantando pa por drenta den e mundo di futbol tambe.
