BonaireFeatured

Registrashon na Aruba, Kòrsou i Sint Maarten pa Kolegio Elektoral pa Eerste Kamer pa persona ku no ta residente

Registrashon Na Aruba Korsou I Sint Maarten Pa Kolegio Elektoral Pa Eerste Kamer Pa Persona Ku No Ta Residente

Hulandes Oropeo ku ta biba na Aruba, Kòrsou òf Sint Maarten por vota na mart 2023 pa un elekshon nobo: elekshon pa kolegio elektoral pa persona ku no ta residente pa Eerste Kamer. Ku esaki votadó ku ta biba den eksterior tin un voto indirekto den Eerste Kamer. Pa e motibu aki registrashon adelantá komo ‘votadó pafó di Hulanda’ ta nesesario. Esaki ta posibel ainda te ku djamars, 31 di yanüari 2023. 

Registrashon ta fásil. Djis bishitá e wèpsait www.stemmenvanuithetbuitenland.nl i sigui e instrukshonnan. Asina bo ta registrá komo votadó pafó di Hulanda, bo ta risibí un konfirmashon. For di e momentu ei outomátikamente bo ta risibí tur informashon i dokumento nesesario pa vota via pòst. Asta si bo ta registrá kaba pa elekshon di Tweede Kamer i Parlamento Oropeo, ta nesesario pa registrá pa Kolegio Elektoral. 

Pa Hulandes Oropeo bibá na Aruba, Kòrsou òf Sint Maarten ta konta ku despues di un notifikashon por pasa buska su dokumentu pa vota na ofisina di Representashon di Hulanda. 

Tin algun kondishon mará na votamentu for di eksterior pa e elekshon pa kolegio elektoral pa perona ku no ta residente pa Eerste Kamer. Bo mester biba pafó di Hulanda i no ta inskribí na un munisipio di Hulanda, bo mester tin e nashonalidat Hulandes i bo mester ta 18 aña bai ariba. Tambe abitante di Aruba, Kòrsou i Sint Maarten mester tabata residente pa por lo ménos 10 aña na Hulanda, òf ta den servisio di gobièrnu Hulandes na Aruba, Kòrsou òf Sint Maarten, òf tin un miembro di famia di mesun hogar ku ta den servisio di gobièrnu Hulandes. 

Pa mas informashon tokante e kolegio elektoral, por bishita: 

www.stemmenvanuithetbuitenland.nl  

Related posts

Minister di Cultura a haci un bishita na Archivo Nacional Aruba pa mira nan exposicion dedica na Betico Croes

EA News Author

Rudy Lampe (RED) ta aclaria declaracion di Miguel Mansur (Accion 21)

EA News Author

Prome Minister Evelyn Wever-Croes: Prome Minister ta reuni cu Ombudsman di Hulanda

EA News Author

Leave a Comment

Whatsapp Message