Diasabra den oranan di anochi “The Fancy Faces Beauty Studio and Salon” a habri su portanan oficialmente . Tabata un anochi special pa dos empresaria hende muhe y hoben cu a uni hunto y a crea e bunita producto di “The Fancy Faces Beauty Studio and Salon”
Angèle Geerman propietario di The Fancy Faces Beauty Studio and Salon y su business partner, Ruchella Yarzagaray ta yama boso tur hende bon bini na nan negoshi.
Den un anochi cu sernan keri y familiarnan a celebra e gran apertura di un soño y historia cu a bira realidad. Angele y Ruchella tin un Amistad di mas cu 12 aña y den e transcurso di e aña nan e amistad a desaroya den un colaboracion pa cuminsa un negoshi di beyesa, pero lo profundisa hopi mas den e parti di makeup.
Esaki ta e area di Ruchella fuerte y por bisa unico aki na Aruba. Durante aña nan dos , a biaha hunto y atende curso y seminario nan na diferente Pais y tambe a conoce hopi celebridad den e mundo di makeup.
E idea semper tabata pa trece algo nobo y diferente Aruba, cual ta un makeup studio y academia pa siña hende tambe con pa makeup. Na mes momento a bin realisa cu nan lo kier ofrece tur servicio di beyesa hunto cu e servicio di makeup y asina a sigui cu e soño pa habri un beauty salon tambe. E emphasis di e negoshi nan aki ta basa hopi riba servicio y experiencia y claro entregando un trabou di calidad halto.
Cu e talento di entrepreneurship di Angèle nan ta confia cu e negoshi nan lo sigui crece y cu lo trece mas concepto nan creatividad y sigui innova pa Aruba .
E dos damanan empresaria aki ta sumamente contento cu e sosten cu Aruba a duna nan como comerciantenan hoben , nobo y ser femenina. Pero na mes momento nan kier encurasha cada ser femenina cu tin un soño pa lucha pe, paso tur hende muhe cu tin un vision y ambicion pa realisa nan propio negoshi …. Pa tin e balentia pa tuma e risico pa sigui innova y trece creatividad pa negoshinan nobo pa Aruba.
Tanto Angele Geerman y Ruchella Yarzagaray ta gradici DIOS prome cu tur cos, nan famia y nan amistadnan y tur esunnan cu di un of otro manera a yuda nan y a sostene nan cu e vision aki. Danki na Minister di Finansas Xiomara Maduro cu ta un ehempel “ Rollmodel” como un hende muhe cu ta ocupa un di e posicion nan di mas halto na Aruba y cu ta inspira hopi persona cu ta biba riba e pida baranca aki cu yama Aruba.