E situacion politico na Aruba ta escalando riba transparencia y responsabilidad. Rocco Tjon a informa cu e deadline pa Minister Gerlien Croes pa contesta preguntanan tocante e jet priva ta vence e dianan aki. E caso a keda sigui cu hopi atencion den Parlamento y den comunidad, pa comprende loke real ta pasa y si e minister a actua segun e regla.
Mientras tanto, Fraccion di MEP a pidi un “legal opinion” di un abogado Mericano pa investiga mas a fondo y pa establece si e minister realmente a papia berdad of si tin evidencia di iregularidad.
“Minister Gerlien Croes no tin cuero di cara, ta gaña henter un pueblo y Hulanda y ta traha mane nada un pasa. Un berguensa pa Aruba.”
E comparacion cu Hulanda ta yama atencion sigur unda e politico tin respet y decencia pa e pueblo Hulandes: un parlamentario Hulandes a entrega su retiro pasobra e controversia a impacta su CV. Na Aruba, sinembargo, un minister cu a gana Parlamento y a perde confianza di pueblo, ta keda den su stoel mientras hopi ciudadano ta critica su maneho y e mandatario no ta tuma accion. E situacion ta pone duda: realmente Hulanda por tin confiansa den mandatarionan asina? Con por ta cu Hulanda ta sinta deal cu politiconan cu no ta respeta integridad y transparencia ?
Aunke minister debe henter un pueblo un splicacion cla, su “frescura” y arogancia manera di maneha e situacion ta pone duda si realmente e ta cumpli cu su obligacion. Pueblo ta exigi claridad, accountability y responsabilidad, specialmente riba e gañamento y maniobra cu ta parecido na caso similar di regalo cu antes a bay corte y a haya castigo. Tur indicacion ta pone diferente pregunta: e minister kier preveni condena of ta trata pa keda indemne?
E situacion refleha un desafio mayor pa lidernan Arubiano: transparencia, confianza publico y integridad den manehamento di Pais, nivel politico y legal, pero tambe e cara di Aruba.
Sinembargo, e mandatario no por lubida cu pueblo ta paga su salario y ta espera claridad. Pueblo ta exigi presupuesta concreto riba e controversia di regalo y of pago di jet priva, cu ta un simbolo mas grandi di accountability cu falta awe na Aruba bou di maneho di gobierno di AVP-FUTURO.