Local

Un mensahe dedica na tur cliente di bijstand


ORANJESTAD, Aruba

 For di mañan diferente cliente di bijstnd ta bay ricibi nan entrada mensual. Ningun persona cu ta cobra bijstand a bay atras den nan entrada, tur hende ta ricibi locual nan tin cu ricibi normalmente tur luna y lo por sigui maneha nan placa manera semper nan tawata haci esaki den pasado.

Nos kier conscientisa tur cliente di bijstand den e momentonan dificil aki pa tene cuenta cu nan gastonan.
No gasta di mas cu no ta necesario, pasobra tur esunnan cu ta cobra bijstand no ta bay atras den entrada. Pues sea consciente y maneha bo entrada na un manera responsabel:
− Cumpra e cosnan esencial;
− Cumpli cu tur pago di utilidad (WEB, ELMAR, SETAR);

− Percura pa tin suficiente na cas pa famia por tin di come;
− Νo crea mas debe, pero corta gastonan innecesario;
Tene cuenta cu den dianan aki tin mas hende na cas, por ehempel nos muchanan: Consumi awa, coriente y cuminda responsabel.

Hunto nos mester sostene otro na unda nos no ta bay over na crea mas situacionnan cu ta genera mas stress. Gran parti di nos poblacion cu ta traha normalmente ta sin trabao/sin un entrada. Nos lo mester bay crea posibilidad pa por brinda nan ayudo y no crea mas situacionnan precario. Pues, tene cuenta cu no lo bay tin espacio pa yudansa extra. Mirando cu como cliente di bijstand bo persona no ta bay atras den entrada, nos mester pone enfoke na tur persona cu a perde trabao y cu aki un luna no lo ricibi un entrada pa un periodo indefini.

Esaki ta un mensahe di tur trahado social di Departamento di Asunto Social, dedica na tur cliente di bijstand.

Related posts

Husto of Inhusto ?

EA News Author

Di lift pa trip deteni pa Guarda nos Costa

EA News Author

Minister Dangui Oduber: RIVM a aproba e plan di ehecucion di vacunacion contra COVID-19 na Aruba y nos ta cla pa ricibi e vacunanan!

EA News Author

Leave a Comment