Negociacionnan entre AVP y FUTURO a pega, Lider number uno di FUTURO Gerlien Croes a tik. Prome tabata kier cartera di enseñansa y deporte, awo kier infrastructura y un poco di cada cartera bou di su poder pa decisionnan. Exigencianan di ansha y di poder ta dominando Gerlien Croes , manda y comanda riba tur minister cu wordo poni y Pais Aruba. Na mes momento Gerlien Croes ta presidente di Parlamento paso esaki ta un di su exigencianan tambe. Tambe Lider di FUTURO kier ta vice prome minister, cu AVP no tin problema cu ne, pero na mes momento kier biaha y ta prome minister hunto cu Mike Eman como prome Minister den tur reunionnan.
Sinembargo ayera nochi e negociacion a pega y AVP ta duna partido FUTURO 48 ora pa recapacita. Banda di e locuranan di exigencia di Gerlien Croes, e di dos cabes di partido FUTURO Geoffrey Wever a pidi e cartera di finansas y economia y AVP no tin ningun problema cu esaki.
Sinembargo e reaccion di Geoffrey Wever riba cambio di Gerlien Croes manera un persona bipolar ora cu palabra den ceno ta tuma decision, pero ora Gerlien Croes sinta na mesa di negociacion ta cambia loke cu a palabra. Tampoco su propio team esta partijraad mes no sa di nada y Gerlien Croes no ta delibera cu nan riba decision di negociacion. EAnews a ricibi diferente informacionnan di ceno di FUTURO di no ta informa di nada con e negociacionnan ta andando.
Un situacion di preocupacion si realmente Gerlien Croes ta capacita pa ta un lider y cu por traha den un team, e pasonan cu tin ta demostra cu esaki ta lo contrario.
Na mes momento tin indicacion cu si partido FUTURO no recapacita den 48 ora y ta habri pa por traha hunto, e negociacionnan no lo yega yun caminda. AVP a trata di basha awa den biña na diferente ocasion pa negosha algo hunto , pero Gerlien Croes kier poder den cada cartera y ainda e ta confundi ki cartera e mes kier di berdad si ta enseñansa, infrastructura, deporte ect ect.
Tambe ya caba Lider di AVP a haci e pregunta den su ceno si nan como AVP ta habri pa duna su persona autorisacion pa sinta cu Partido MEP, e deseo t’ey.
Ta kere a yega ora pa partido nan grandi no keda comete e erornan di pasado , papia e diferencianan y drecha unda cu tin problema, y acepta e realidad di otro y trata di no comete e mes un eroronan di pasado. Si mester mira e decision di Pueblo , Aruba a vota pa e dos partidonan mas grandi , banda di esaki ta e dos partidonan cu a lucha pa Aruba ta independiente uno a cuminsa cu ne uno a caba cu ne , tur dos tin parti di esaki y tur dos ta contra di e Rijkswet cu ta devastador pa Pais Aruba, contrario na loke ta partido FUTURO su pensamento di Colonisa Aruba bek y si cu kier e Rijkswet.
Poder tin lider di FUTURO Gerlien Croes ta zweef sin control.