Vacunanan pa Caribe riba vuelo pa Aruba caba
Awe mainta trempan e cargacion di vacuna pa e islanan Hulandes den Caribe a wordo poni riba e vuelo di KLM. E cargacion aki ta pa tur e islanan Hulandes y tur ta haye na mesun momento.
Secretario di Estado Paul Blokhuis hunto cu presidente y director di KLM Pieter Elbers tabata na aeropuerto di Schiphol na momento cu a subi e vacunanan abordo di KLM.
Segun nan a splica, e vacunanan ta empaketa den “dry ice”, cu ta permitie keda na bon temperatura pa varios dia basta nan keda den un ambiente di +2 te cu +25 grado celsius.
Isla Riba ta cuminsa cu nan plan di vacunacion dianan 22 di februari awor. Aruba probablemente ta cuminsa e siman aki.
Segun schedule, e vuelo for di Amsterdam ta yega pa 5.45 di awe tardi.
