Tanten cu no ta yobe no tin problema fuerte cu e camindanan di tera, pero asina Aruba haya yobidanan fuerte e camindanan ta keda mescos cu un luna, yen di buraco. Habitantenan di Sta Cruz , papilon y bisindario no ta for di awo a haci peticion pa gobierno pone asfalt riba e caminda pa nan por yega nan cas.
Debi cu e ta un caya di santo y ta un circulo , no ta trata di un luga hopi grandi. Habitantenan cu ta biba den e bario no ta pa prome biaha pero na varios ocasion a haci peticion na nan pa asina pone asfalt, e bario ta uni y hunto henter e bario a firma di e molester cu nan ta bin confrontando pa varios aña, pero ningun gobierno ta scucha nan, varios carta a keda manda pa por mustra e situacion, pero no ta haya oido. Nos tur sa cu desde december awa ta yobiendo basta frecuente y esaki ta conduci un situacion hopi fastioso atrobe. Sinembargo ainda no ta ricibi e oido di e departamento di DIP/ DOW pa por yega na un solucion.
