E Centro di Operacion Maritimo (MOC) di Wardakosta a ricibi un notificacion
mainta cu un of mas boto lo ta perdi riba lama. E boto of botonan lo a sali for di
Venezuela rumbo pa Corsou cu varios persona indocumenta na bordo.
Despues di a ricibi e notificacion, MOC mesora a desplega e helicopter y e avion di
Wardakosta pa busca den area di costa y tambe awanan rondo di Corsou pa logra
haña e botonan perdi. Durante e buskeda, un contacto a wordo detecta riba radar y
MOC a dirigi e avion Dash den direccion di e contacto aki. Ora cu e avion a yega na
e sitio, a resulta di ta un boto cu a bolto cu varios persona ta wanta na e boto cu a
bolto. Siguiendo e informe di e avion Dash, MOC a dirigi e helicopter di Wardakosta y
dos Metal Sharks pa rescata e hendenan riba lama. Un total di 10 persona a ser
rescata awe merdia, entre nan 4 hende muhe y 6 hende homber, tur procedente di
Venezuela. E personanan a indica cu tin varios persona perdi ainda riba lama. E
buskeda pa e personanan perdi ta andando.
