Featured Curacao

Wardakosta ta asistí dos turista heridá riba seru di Kristòfel


Ayera e helikòpter di Wardakosta a sali pa asistí dos turista ku tabata heridá riba Kristòfel. E

dos hende hòmbernan ku tabata kana ku grupo diferente a subi despues di bastante awaseru di

último dianan. Durante nan kaminata un di nan a heridá su mes na su rudia i e otro a kibra su

ènkel despues di un kaida. Bomberonan huntu ku e ‘parkranger’ di parke Kristòfel a bai ariba pa

yuda e personanan ku ‘brandcard’ mas lihé posibel. Na yegada serka e personanan heridá e

konklushon tabata pa mihó pidi Wardakosta asistensha mirando nan situashon i e wer.

E dos personanan heridá a ser yuda individualmente pa e helikòpter di Wardakosta. A hiba esun

hòmber prome i despues a regresá parke Kristòfel pa asistí e siguiente persona ku tambe mester

a ser traspasá pa hospital. Na yegada di e helikòpter di Wardakosta na Hato un ambulance tabata

warda pa hiba e personanan CMC pa nan por haña asistensha médiko. Wardakosta i Brandweer

Kòrsou ta desea e dos turistanan pronto rekuperashon.

Related posts

Aruba lo participa cu 4 hoben den programa di Football for Friendship World

EA News Author

Juez a bishita Dump Parkietenbos pa wak e situacion di e incinerator y a kehonan di bario

EA News Author

Kontrol riba aglomerashon i establesimentunan di pèrmit na Korsou

EA News Author

Leave a Comment