Djadumingu anochi Wardakosta a señalá un kontakto sospechoso den serkania di Kòrsou.
Despues di e detekshon e Sentro Marítimo Operashonal di Wardakosta a dirigí un unidat di
Wardakosta den direkshon di e boto sospechoso i tambe inmediatamente a dirigí e avion di
Wardakosta pa opservá e boto.
Una bes ku a yega na e sitio, e tripulashon di e avion di Wardakosta a mira un embarkashon
sospechoso nabegando direkshon di Korsou. Despues ku e boto di patruya a interseptá e boto
sospechoso, e boto a ser hiba na e pir di Wardakosta pa un kontrol profundo na bordo. Durante e
kontrol a haña 25 kilo di kokaina riba e boto. Wardakosta a haña tambe 3 arma i munishon na
bordo. E hòmber Venezolano ku tabata na bordo di e boto a ser entregá na Kuerpo Polisial di
Kòrsou huntu ku e armanan, droga i munishon. E droga entretantu a ser destruí.
Wardakosta ta interseptá boto ku droga, arma i munishon
