Awe durante oranan di atardi Wardakosta a señalá un kontakto sospechoso ku tabata nabegando direkshon di Kòrsou. Despues di a detektá e boto, e Sentro di Operashon Marítimo di Wardakosta a dirigí un boto patruyero den direkshon di e boto. Na yegada di e boto patruyero di Wardakosta na e lokalidat esaki a guiá e boto sospechoso bai e pir di Wardakosta na Parera.
Na e pir e agentenan di Wardakosta huntu ku Duana a listra e boto di piskadó lokal. Na bordo di e boto a enkontrá 223 pakete ku un kontenido di 260 kilo di kokaina. E droga i e kuater hòmbernan yu di Kòrsou a keda entregá na Kuerpo Polisial di Kòrsou. Entretantu e droga a keda destruí.