ORANJESTAD,Aruba
En conexion cu e toque de queda cu lo ta na vigor desde diasabra 21 di maart 2020 te cu 31 di maart 2020, di 9or di anochi te cu 6or di mainta, Cuerpo Policial ta informa lo siguiente;
E compania cu su trahado mester ta riba caya e momento ey pa bay trabao ( p.e. security , personal trahando na hotel etc) of trahando pa un compania ( p.e. esnan cu ta piki sushi etc) , mester manda un carta na e-mail di , cmo@crisis.aw .
E carta mester ta un letterhead di e compania, mester pone aden e nomber di e trahado y e i.d. E carta mester ta firma pa e doño di trabao of e suplente (waarnemend) of door di e departamento di Recurso Humano. E carta bo tin di mail e na cmo@crisis.aw
Esaki no ta conta pa e first responders y Compania Estatal.
Nos di Cuerpo Polcial kier a haci un apelacion pa e comunidad tene bon na cuenta cu si bo wordo haya riba caya e momento di toque de queda y bo no tin e carta aproba pa cu esaki bo por haya un multa te cu un maximo di afl 10.000,-.
Tambe tur establecimento mester ta sera na e ora stipula di 9or di anochi sino tin un multa te cu afl 1000,-.
Ban uni den e momentonan dificil aki pa asina nos surpasa e dianan pisa nos dilanti.
Keda cas y ban flatten the curve.
