No hiba bo yu na un akohida pa mucha si e ta tosa òf ta ferkout.’ Esaki i otro instrukshon pa mayor i muchanan tin riba dos poster ku departamento di Salubridat Públiko di EPB a laga kologá na diferente akohida pa mucha. E posternan ku instrukshon ariba ta traha di material duradero manera tapol ku por keda kologá pafó pa largu tempu. Den e salanan tambe a kologá poster banda di e wasbak pa yuda e muchanan kòrda laba nan mannan bon.
Riba e posternan tin tambe instrukshon pa mayornan ki ora e yu por bolbe bini skol. E otro poster tin e instrukshonnan di higiena manera mantené distansia entre mayornan i kon yuda e muchanan korda pa laba man frekuente. A realisá e posternan huntu ku e akohidanan pa mucha. Nan mes tambe tabata ke klaridat i komprenshon pa e instrukshon di higiena pa asina evitá ku e vírùs di corona ta plama. Pa e personal di e akohidanan, e mayornan i e muchanan. E departamento di Salubridat Públiko a laga traha e posternan i kologá nan.
