Riba diaranzon 7 di oktober 2020, Landsrecherche, RST y Cuerpo Policial di Aruba a tene un huiszoeking den investigacion Flamingo.
Bao guia di huez-comisario a ristra den un cas y un oficina.
E team di onderzoek a confisca administracion y cargadornan di informacion digital cu mester wordo investiga.
E sospechoso di cual a tene huiszoeking na su cas y oficina, ta wordo sospecha di ta envolvi den iregularidadnan den afgifte di terenonan comercial di erfpacht den e periodo di 2017 te 2019. Informacion no oficial cu nos di E Arubiano News a haya ta cu ta trata di ex trahado di DIP R. Maduro
Resultadonan anterior di e investigacion Flamingo, cu a start na september 2019, a hiba na e huiszoeking aki di 7 di oktober ultimo.