1.Gerensia di SDKK, a tuma nota di un informashon ku ta sirkulá den medionan di komunikashon enkuanto di webu di muskita ku a konstatá riba kuminda di detenido.
Gerensia di SDKK ta atmití ku na momentu ku e hefe di departamento di Blòk 7 a kontrolá e kuminda promé ku hasi repartishon, a konstatá ku tin 6 baki ku tabatin webu di muskita aden.
A resultá ku e bakinan di kuminda no tabata bon tapa. Konforme prosedura e hefe en kuestion a deshasí di kuminda di e Blòk kompletu.
2.Algun ratu pasa polisnan a haña melding ku den Kaya Regenboog na Seru di Papaya tabata tin
problema entre bisiña ku a kulminá den bashamentu di bala riba kas di otro.
3.Otro melding ku a drenta na sentral di polis ta pa manda patruya pa Kaya Hallo pa un kaso di stalking. Aki nan un hòmber kende tabatin un relashon ku un dama no por komprondé ku e relashon a tèrminá i ta yega na e kas konstantemente bati na porta pa e shon por habri pe. Kos a yega asina leu ku mester a yama polis pa pidi yudansa.
4.Awe mardugá den kontròlnani ku e tim di UST a tene nan mester a para un outo relashoná ku e medidanan di Covid 19. Dado momentu e okupante dje outo a bira hopi agresivo i hasta mester a insultá e polisnan di ta korupto i ladron bisando nan ku polis ta kue droga i sèn pa nan mes.
Tambe e mester a koba polisnan su mama.
E la keda detené i polis a kita su outo bai kuné.