Diputado Hennyson Thielman a habri un orario di konsulta. E diputado di entre otro desaroyo ekonómiko ta duna espasio pa tur hende ku tin petishon pa gobièrnu, por aserka su persona. Esaki ta bon pa diputado tambe por keda mihó na altura di loke ta biba den komunidat. Tambe pa yuda esnan ku tin petishonnan pa gobièrnu.
Durante e orario di konsulta aki, diputado Thielman lo tei personal pa skucha i wak kon por yuda si ta nesesario. E orario di konsulta ta durante un dia i na un ora figo, kual ta tur djaweps di 2or pa 5or. Pa haña un sita durante e orario di konsulta mester yama na number di telefòn 7175330 ekstenshon 5369 òf por manda un e-mail na gedeputeerde.thielman@bonairegov.com.
Diputado Thielman lo bishitá tur luna un bario pa kombersá ku e habitantenan i haña sa kiko ta biba den komunidat. Asina e por sa kiko ta importante pa e komunidat di Boneiru.
