Desishon a kai den konseho di minister awe mainta ku a duna òrdu pa medida di supervishon drenta na vigor pa por aprobá kredensial di un parlamentario ku mester drenta parlamento. Tur kos ta indiká ku gobernador lo bai hunga un ròl importante pa asina atendé pa e señora Emmilou Capriles por drenta parlamento
Sekretario di estado Raymond Knops a splika ku e desishon ku Konseho di Minister di Reino a tuma awe mainta, esta pa duna un instrukshon na gobièrnu di Kòrsou ta debí na falta di bon gobernashon. Loke ta pasando den Parlamento di Kòrsou ta algu anti demokrátiko, pasobra ta impedí pa un miembro nobo, demokrátikamente elegí por drenta Parlamento.
Tambe Sr. Knops a duna di konose ku e Topiko pa trata kredenshialnan di Sra. Capriles ta wanta pa simanan kaba sin por wordu trata. Oposishon di un manera of otro praktikamente ta boycott e reunion di keda sin bini pa asina no partisipa na e reunion di Parlamentu pa por trata e kredenshialnan di Sra. Capriles.
