Diamars dia 27 di april lo celebra Dia di Rey, dia di cumpleaños di S.M. Rey Willem Alexander. E acto protocolar lo tuma luga na Parke Wilhelmina caminda tin un programa prepara caminda cu Presidente di Parlamento ta haya e oportunidad pa expresa palabranan di felicitacion na ocasion di cumpleaños di Su Mahestad na nomber di comunidad Arubano. Lo tin presentacion di canto y baile di gruponan hubenil. Pa motibo di e pandemia e evento lo tuma luga sin publico, pero si elo wordo transmiti na television pa comunidad por sigui esaki cuminsando pa algun minuut prome cu 9 or di mainta.
E Premio di entrega di Copa Hubenil Gobernador Felipe B. Tromp na un hoben of grupo hubenil cu a destaca durante e ultimo aña lo no tuma luga e aña aki pa e motibonan ya conoci di e pandemia.
Un apelacion na henter comunidad, comercio y departamentonan di gobierno pa hisa bandera riba Dia di Rey pa asina demostra nos aprecio pa Su Mahestad Rey Willem Alexander y Casa Real.
