Centro di Cuido Mioses,Coolkids Naschoolse Opvang, Honey Poney Daycare, Little Zoo Daycare, M-Joy Childcare Center, Skol di hunga Dora y Diego, Skol di Hunga Chikitin Bin Bin, Tante Joja Speelschool, The Cradle Daycare.
Recientemente 27 trahador pedagogico cu ta traha den Centro di Cuido di Mucha (creche y traimerdia) a termina e curso Fase di Desaroyo di mucha di 0- 12 aña. E curso aki a ser duna dor di Fundacion Pa Nos Muchanan (FPNM). Den e curso aki a trata e desaroyo y comportacion cu por spera di un mucha segun nan fase di desaroyo.
E curso aki ta importante pa asina como trahador pedagogico por compronde den ki fase di desaroyo un mucha ta aden. Den e forma aki por guia e mucha na un manera adecua pa asina sigura cu e mucha por desaroya optimalmente y yega na su ful potencial.
E curso aki a consisti di 3 les sigi pa un presentacion di cada Centro di Cuido. Den e presentacion a enfoca riba e formanan di con nan como trahador pedagogico lo stimula e desaroyo di un mucha den nan Centro di Cuido.
E fasenan di desaroyo cu a wordo trata tabata lo siguiente: Desaroyo fisico, Desaroyo social-emotional, Desaroyo cognitivo y Desaroyo di idioma.
Trahadornan Pedagogico cu a participa ta di e siguiente Centronan di Cuido: Centro di Cuido Mioses,Coolkids Naschoolse Opvang, Honey Poney Daycare, Little Zoo Daycare, M-Joy Childcare Center, Skol di hunga Dora y Diego, Skol di Hunga Chikitin Bin Bin, Tante Joja Speelschool, The Cradle Daycare
E cursistanan a keda sumamente contento cu e contenido y e oportunidad pa amplia nan conocemento riba e tereno aki. FPNM ta felicita tur cu a participa y mirando e gran exito di e curso, FPNM sigur lo ripiti esaki pa duna oportunidad na mas lider y cabesante pa amplia nan conocemento.
