“Mi conoce Benny mas cu 20 aña y mi ta convenci di su inocencia. E ta un pesona cu semper a dedica su mes na tur hende y nunca a mustra interes pa su mes. Nos ta sinti cu algo ta robes den e proceso aki. P’esey mi t’ey awe pa apoya su famia,” e lider di AVP Mike Eman a bisa na momento cu casa di Benny Sevinger y yiunan a bay deposita nan voto na Madiki.
Esposa di Sevinger, Claudia, a bisa cu nan ta fuerte y e ta kere cu Benny lo crece den voto, pasobra inhusticia no por vence.
Na salida di vota, sra. Sevinger a haci un apelacion na pueblo pa bay vota, lucha pa boso democracia. Tuma e decision boso y no laga otro tuma decision pa boso, el a bisa.
Claudia Sevinger a bisa cu e situacion ta un tiki dificil, pasobra semper el a bay vota hunto cu su casa, pero cu nan ta fuerte.
E voz di e politico Sevinger, deteni na KIA, ta su yiu Stephany, kende a bin ta vociferando su opinion. El a bisa tambe cu nan no a sinti cu e apoyo pa Benny Sevinger a baha.
Claudia Sevinger: E apoyo pa Benny Sevinger no a baha
