No falta mucho pa e fecha di e gran torneo Wahoo Shootout di Sidney Ponson Charity Foundation. E torneo ta tuma luga dia 4 di december awor, unda tur boto lo sali for di Varadero.
Esaki ta e prome evento grandi di Sidney Ponson Charity Foundation pa recauda fondo. Ta trata aki di un evento internacional cu ta carga e nomber di “1st Annual 2021 Aruba International Wahoo Shootout.
E participante cu dal e grandslam ta bay cu e premio grandi di 25 mil florin. Esaki ta pa e boto cu a trece mas pisca aden, den peso.
Ta facil pa bo gana. Simplemente percura pa bo pisca e Wahoo, KIngfish, Dorado y Baracuda di mas grandi. Cu bo miho liña na awa, lo bo por bay cu e 25 mil florin.
Tin 16 boto, chikito y grandi, registra caba y nan ta bay todo por todo pa e grandslam, ofreci door di e fundacion di Sidney Ponson.
Gara e wahoo, kingfish, dorado y baracuda di mas grandi y bo ta bay cu 25 mil florin
