For di djamars 8 di febrüari 2022, habitantenan di Ambuana, Antriòl, Nort’i Saliña, Rincon i Tera Kòrá por pasa e anguanan di corona òf e angua di buster den nan bario. E departamento di Salubridat Públiko ta bai atrobe den bario, pasobra tin biaha ta difísil pa habitantenan di bario bai e sentro di deporte na Playa pa pasa angua. Aña pasá tambe riba dianan spesial, habitantenan di bario por a pasa e angua di corona òf e angua di buster den bario mes.
E angua di buster ta duna bon protekshon kontra kontagio ku e variante di ómikròn. Un persona ku pasa e angua di buster, tin ménos chèns pa pega ku e vírùs akí i tambe ménos chèns pa hospitalisashon.
Tin hende ku ta duda ainda si nan ke e anguanan di corona òf e angua di buster. Durante Ban Bakuná den Bario nan por hasi e dòkter ku ta pasa angua den bario nan pregunta. Si un habitante di bario mes no por bai e lugá di pasa angua den bario, e dòkter ku ta pasa angua por pasa serka e persona ei. Den un kaso asina, e habitante di bario mester yama 0800 0900 promé pa pasa e angua na kas.
Bo tin keho? Yama 0800 0800 e ora ei pa traha un sita pa tèst. Òf hasi un tèst propio. E resultado di e tèst propio ta positivo? Yama 0800 0800 i traha un sita pa tèst pa ta sigur ku bo tin corona.
