Ku satisfakshon Entidat Públiko Boneiru (EPB) ta wak bèk riba un edishon eksitoso di e Feria di Karera ku a tuma lugá riba djabièrnè 3 di òktober 2025 na Jong Bonaire.
Durante e Feria di Karera ku Plenchi di Trabou a organisá, nos por a topa ku hopi interesado, ku gustosamente ke kontribuí na futuro di nos isla. Ku entusiasmo nos ‘recruiter’-nan i konseheronan a hiba kòmbersashon ku e bishitantenan tokante un variedat di posibilidat di karera den EPB.
Nos ke gradisí tur hende ku a bishitá nos stènt pa nan interes i e kòmbersashonnan inspirativo. Tabata hopi balioso pa topa ku asina tantu hende motivá, ku ke komprometé nan mes pa Boneiru.
Pa esunnan ku a pèrdè e feria akí òf ku ke sera konosí mas aleu ku trahamentu na EPB: nos ta invitá bo kordialmente pa solisitá riba un di nos vakaturanan òf pa entregá un solisitut habrí. Riba nos wèpsait bo ta haña un bista general aktual di e funshonnan disponibel i mas informashon tokante kon ta pa forma parti di nos organisashon.
“Huntu nos ta krea un Boneiru fuerte, sostenibel, trahando riba nos futuro i den esaki nos tin mester di bo talento. Bin forma parti di nos organisashon kaminda bo por hasi un impakto di berdat!” – Direktor di Maneho i Sosten Cherethy Kiringdongo.
Pa mas informashon bishitá www.bonairegov.com pa e vakaturanan aktual i e posibilidatnan pa solisitá.
