Segun resumen di DVG awe 7 persona a recupera y un total di 11 caso nobo di COVID-19 a keda registra di cual 2 ta no-residente. E cifranan aki ta representa un ‘Positivity rate’ bou di nos residentenan di 39% y e cantidad di casonan activo di COVID-19 pa awe ta 52.
E cantidad di fayecidonan relaciona cu COVID-19 na Aruba ta 198 y datos ricibi di pashentnan cu desde juli 2021 a wordo trasporta pa tratamento medico na Colombia relaciona cu COVID ta indica cu 13 residente lamentablemente a fayece. E proceduranan administrativo te cu awor a keda completa y por wordo incorpora den e data total di fayecidonan di Pandemia di Covid-19 di Aruba. Forsa na famia di tur e fayecidonan cu apesar di tur esfueso haci toch a perde e bataya contra COVID durante e ultimo lunanan. E dato recien aki ta eleva e cifras di morto registra na Aruba na 211.
Datos regular ta ilustra casonan nobo di COVID cu un averahe semanal di 15 caso pa dia y un averahe di ‘Positivity rate’ semanal di 24% pa dia.
Actualmente na Aruba tin 8 persona interna cu of debi na COVID di cual den ICU tin 1 persona y riba piso general tin 7. Na Colombia tin actualmente 6 persona den ICU y ninguno (0) riba piso general.
