Despues di casi dos aña cu un programacion ariba facebook y tambe atraves di Diario TV Canal 48, Jeremy Wever a tuma e gran decicion pa Join e mundo di Radio! Algo cu hopi a spera y tawata sospecha, awe a bira un realidad! Jeremy Wever a anuncia ariba su plataformanan social di ta super entusiasma pa e comienso nobo aki. Un programacion na Radio, TV y Facebook sigur no ta algo nobo na Aruba.
Pero Aruba ta wordo priminti di bay experencia algo completamente nobo y unico ariba radio local. Di dialuna pa Diabierna, 7PM- 9PM . Tur dia cu topiconan super intresante y na unda cu abo como oyente lo bai opina y dirigi e programa. SIGUR por spera hopi premionan local tambe den nos shownan. Aruba completo ta cordialmente invita pa asina conecta cu nos pa e prome programacion cu ta Spin & Win y gana premionan local dia 31 Maart 2022 pa 7PM di anochi. E Show Spin & Win ta tur Diahuebs Live atraves di Diario TV48, Facebook di I am Jeremy Wever y awor atraves di e señalnan fuerte: MAS FM 105.1
Jeremy Wever:
Mi kier a gradici tur esnan cu a kere den mi desde e prome dia. Semper mi ta gradici Dios pa e gran oportunidad aki den mi bida.
Mi ta contento di tin un Team super dinamico y real!
Di e forma aki y cu e relato cortico aki mi kier a bisa Team I am Jeremy Wever y tur nos siguidornan y Topfannan DANKI!