Minister di hustisia di Korsou Shalton Hato no ta aproba e situacion di tiroteo cu a tuma luga na un partido doi futbal. Manera hopi siudadano a tuma nota di e tiroteo ku a tuma lugá den deskanso di un partido di futbòl di liga MCB segundo divishon. Ta un situashon di lamenta.
No opstante ku e investigashon di kuerpo polisial den e kaso aki ta andando ainda minister kier ekspresá su desaprobashon pa ku akto di violensia aki.
Ta algu insolito i repudiabel ku sentronan di rekreo kaminda hóbennan ta praktiká deporte ta bira blanko di tiroteo i/òf reglamentu di kuenta. Esaki ta inakseptabel na vèlt di deporte kaminda tin famianan i en espesial muchanan ta presensiá wega. Minister ta bai sinta mañan ku KPC i tambe Federashon di Futbòl Kòrsou pa asina garantisá seguridat di tantu hungadónan komo públiko ku ta asistí na weganan di futbòl.
Minister ta ekstendé su mas sentido pésame ta bai na famianan di e viktima. Minister ke urgi pueblo di Kòrsou pa koperá ku e investigashon di kuerpo polisial pa asina por trese esnan kulpabel dilanti hustisia.