Tourism Corporation Bonaire (TCB) huntu ku Caribbean Journal ta organisá e promé Siman di Ròm Boneiru ku ta tuma lugá for di 14 te 17 di yüni 2022. Un festival ku ta dura un siman kaminda e mihó ‘premium’ ròmnan di área karibense i e dinámiko aktividatnan gastronómiko di nos isla ta para sentral.
Dia 15 di yüni 2022 Tiki & Co ta organisá un Diplomatico Cocktail Challenge. Riba e dia akí e meksólogonan tòp di Boneiru ta enfrentá otro pa krea un kòktel úniko i sabroso. Ta husga tur kòktel a base di e siguiente kriterionan: sabor, ekilibrio, presentashon i inspirashon.
Bo ta un bartènder i bo ta kla pa un reto? Inskribí bo mes awor!
Pa lesa e reglanan i tambe pa inskribí bo mes bo ta bai riba:
https://forms.gle/R3bPCZPkEHmxqkY96
E fecha mas tardá pa inskribí bo mes ta 10 di yüni 2022.
Pa mas informashon manda un email na: marketing@tourismbonaire.com.