La Cabana a haci donacion na Bureau Slachtoffer Hulp Aruba. Esaki ta un departamento di Korps Politie Aruba (KPA) cu ta traha pa support victimanan den caso crimen, accidentenan serio, calamidad. Jeanine Rodriquez ta un socialewerkster y e persona c uta maneha e departamento aki y ta identifica e victimanan y ta yudanan cu tur e sosten c unan tin mester. La Cabana a dicidi di haci un donación y e donación aki tabata di cuminda di bleki na unda cu esnan cu ta bishita La Cabana y of e trahadornan por a haci donación. Cu e cumindanan cu a ricibi a traha paketenan di cuminda y a haci entrega na e departamento. La Cabana tin un contacto estrecho cu Bureau Slachtoffer Hulp Aruba y asina cu tin un cantidad di pakete di cuminda disponibel ta haci donación na e departamento aki. Di e manera aki La Cabana ta duna bek na e comunidad di Aruba. La Cabana ta traha di cerca cu diferente departamentonan social pa sigui aporta den comunidad.
