Resientemente Hunta di Supervishon di Curaçao Tourism Development Foundation (CTDF) a enkaminá un proseso pa selekshoná un Counterpart Statutair Directeur pa Ofisina di Turismo di Kòrsou (CTB). For di e proseso aki sr. Muryad de Bruin a keda selektá komo e kandidato pa okupá e funshon aki entrante 1 di yüli 2022.
Sr. de Bruin ya ta forma parti di e tim di CTB i te ku resien tabata okupá e funshon di Regional Manager Europe. Durante e fase transitorio, pa sr. de Bruin bin establesé bèk na Kòrsou e lo keda enkargá tambe ku e funshon di Regional Manager Europe te na momento ku selekshoná un kandidato nobo pa okupá e funshon aki.
Sr. de Bruin tin amplio eksperensia den sektor di turismo kual sigur lo ta di benefisio pa su funshon nobo pa asina kontribuí na kresementu di nos industria di turismo
Nombramentu Counterpart Statutair Directeur pa CTB a keda selekta
