Guarda nos Costa ta haci su controlnan regular durante dia y anochi na costanan di Aruba. Ayera durante dia por a tuma nota cu polisnan a constata diferente bulto di droga. Pero durante control di rutina di GNC den oranan di anochi tambe a bin ta constata mas bulto.
Ta trata aki di dos bulto mas cu a haya ta drief na Seroe Colorado. Personal di GNC a notifica Central di Polis y Guarda Costa pa asistencia. E condicion di lama tabata bruto, cu a causa un tardansa pa saca e bultonan.
Sinembargo cu esfuerzo y tactica na final personal di GNC a logra saca e dos bultonan for di lama y a entrega esaki na departamento di Crimen Organisa di Cuerpo Policial.