E presion cu gobierno a ricibi di CAFT y tambe di propio institutonan di conceho cu ta pidi gobierno pa baha su gastonan ta conduci cu DOW tambe tin cu baha su gastonan. E cantidad di contratistanan chikito cu a keda reduci tambe mester a tuma luga mirando cu no ta tur por a cumpli cu e exigencianan cu DOW ta impone. E departamento ta cumpliendo cu codigonan di transparencia y integridad y esaki ta exigi cu contratistanan mester cumpli cu nan socialelasten, dus cu nan mester paga nan belasting, segun Prome Mnister Evelyn Wever Croes.
Tambe e contract di e contratistanan cu ta traha cu DOW a bira Performance Based y abase di esaki tin contratistanan cu a cay afo. Na e momentonan aki tin 107 cupo di contratista y e reduccion a trece un recorte di mas of menos 1.2 miyon florin. Segun prome Minister Evelyn Wever Croes esaki a yuda bon pa baha gasto di gobierno tambe.