Entrevista Exclusivo : Thulan Melaan un ehempel pa Boneiro, Aruba y Curacao ora bo focus loke bo kier bo ta logra

Thulan Melaan un hoben cu a logra licencia Europeo di maintenance flight engineer. E tin e licencia Mericano caba y awor e tin tambe esun Europeo. Esaki ta e licencia Europeo maximo cu e titulo di maintenance den e mundo di aviacion tin. Thulan Melaan ta naci na Boneiro y tin 42 aña y ta tata di dos yiu homber. Tempo Thulan tabata hoben e la caba su MAVO na Boneiro e la dicidi di bay studia na Hulanda, sinembargo na momento cu su tata a bira malo e la bolbe bek Boneiro y no a bolbe mas Hulanda. Asina Thulan a mira un oportunidad na scol di mecanico maneha dor di Jacintho Frans( amts Bonaire) cual ta e scol caminda e la cuminsa su carera na aña 2009. E la haci e opleiding di 4 aña na Boneiro y despues a bay core stage na Aruba na Tiarra Aire. Na momento cu e stage a caba e la ser pidi pa keda traha cu Tiarra Aire y aki ta caminda su futuro den aviacion a cuminsa.