Riba djadumingu 25 di desèmber alrededor di 6 or di mainta un hit & run a tuma lugá riba Kaya Korona. Un outo a alkansá un siklista i a sigui kore. Polis a kuminsá un investigashon inmediatamente i a hasi yamada na e sospechoso pa medio di un komunikado na prensa pa bin mèldu su mes na warda di polis.
E investigashon a demostrá ku durante di e aksidente tabatin un pasahero den e outo huntu ku e sospechoso. Ministerio Públiko i Kuerpo Polisial Hulanda Karibense ta pidi e pasahero aki ku urgensia pa mèldu su mes na warda di polis di Boneiru, Kaya Libertador Simon Bolivar #4 pa por skuch’é komo testigu.
