E grupo di Canada cu ta maneha Lotto pa Deporte aki na Aruba a bay diacuerdo pa sinta na mesa y asina nan a bin Aruba y e proposicionnan di negociacionnan a keda poni riba mesa. Minister di Deporte Endy Croes ta kere cu esey tabata e prome stap cu e tuma luga y den e negociacionnan Aruba a logra yega na un acuerdo husto pa deporte na Aruba. Na 2011 tanto e gobierno y e bestuur di Lotto e tempo ey a dicidi di traspasa e operacion di Lotto completo pa Canada y a lanta CBN na Aruba cu tabata opera Aruba bao di maneho directo cu Canada. For di 1999 pa 2011 semper Canada tabatin un contracto cu Lotto unda cu e managment team cu ta ricibi 8.25% di e benta total. Sinembargo na 2011 cu e cambio di contracto unda cu tabata 8.25% a bira 23.25% . Segun minister Endy Croes esaki ta e inhusticia cu a pleita pe y ahuste husto pa Aruba su deporte.
Decisionnan politico y di bestuur di lotto na 2011 a perhudica deporte den su totalidad na Aruba
