Tourism Corporation Bonaire konhuntamente ku Softball Team New Angel ta organisá e di dos Bario Festival 2023

Tourism Corporation Bonaire (TCB)  i  Softball Team New Angel ta bai organisá e di dos Bario Festival ku lo tuma lugá den bario di Nikiboko. E evento ta tuma lugá riba djasabra  8 di yüli  2023  den un tremendo ambiente estilo ‘Vakantie Vibe‘ for di 6 or di atardi te 12 or di anochi.

E programa ta kargá ku músika i tin stènt ku ta bende kuminda lokal. 

E agrupashonnan musikal  Grupo NikiMix i Foyan boys  ta presente pa animá e anochi akí.  Pa duna e Bario Festival un toke mas spesial lo tin presentashon tambe di  S.P.A.B Dance, músika di DJ Fe i hopi mas. Entrada ta kompletamente grátis.

TCB i Softball Team New Angel kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djasabra 8 di yüli  den e di dos edishon di Bario Festival ku ta bai tuma lugá den e bario di Nikiboko.