Centro di Bario y Deporte Dakota a eligi nan presidente y bestuur nobo

Diahuebs ultimo na Centro di Bario y Deporte Dakota a eligi presidente y un bestuur nobo pa e siguiente aña nan cu lo dirigi e centro. E resultadonan di e eleccion a keda como presidente di Centro di Bario y Deporte Dakota Carl Michael Bikker y miembro nan di directiva a keda eligi Zolaika Plaza Iraima Croes, Sharitiza Franken, Glennrick Ridderstap, Charles Franken y Marc Thode cu lo tin cu dirigi e club pe siguiente añanan. Presidente saliente Jair Oduber a pasa riba tur loke su persona y directiva a haci y laga tur cos cla unda cu tambe a pasa riba relato financiero di e club. Na mes momento tambe Jair Oduber a gradici tur presente pe sosten y a desea directiva hopi exito den guia y vicion di Centro di Bario y Deporte Dakota.