Na St. Maarten dia Internacional di Alfabetisacion pa recorda e publico di e importancia di alfabetisacion

E tema di e aña aki ta “Promove alfabetisacion pa un mundo den transicion: pone e fundeshi di sociedadnan sostenibel y pacifico”. Segun e Organisacion di Nacionnan Uni pa Educacion, Ciencia y Cultura (unesco), e conmemoracion di e aña aki ta un oportunidad pa enfatisa e rol importante cu alfabetisacion y aritmetica ta hunga den construccion di sociedadnan mas pacifico, husto y sostenibel.

Ministerio di Educacion, Cultura, Hubentut y Deporte ta acoge y apoya e tema aki y ta trahando diligentemente pa mehora alfabetisacion y aritmetica den nos sistema educativo. Departamento di Educacion ta desaroyando un strategia integral pa mehora alfabetisacion y aritmetica.

E division di Educacion Publico, den colaboracion cu E division di Innovacion educativo i E Fundacion Biblionef, Di Hulanda, a ehecuta talleres di alfabetisa exitoso durante luna di augustus. E obhetivonan general di e capacitacion tabata pa mehora e nivelnan di alfabetisacion di e studiantenan den e scolnan publico door di capacita e maestronan riba con pa desaroya un ambiente di lectura positivo den klas y con pa desaroya e practicanan di lectura fonetico di e studiantenan.

Dominio di habilidadnan basico manera lesa, skirbi y aritmetica ta crucial pa funciona efectivamente den sociedad actual. MECYS ta ehecutando diferente proyecto y workshop pa garantisa cu maestronan tin e strategianan necesario pa mehora alfabetisa y aritmetica den nos scolnan.

Celebrando Dia Internacional di Alfabetisacion, Como Minister di Educacion, Cultura, Hubentud y Deporte, mi kier anima e scolnan pa planifica y participa den actividadnan di alfabetisacion durante e luna y durante henter e aña escolar. Mi ke anima mayornan pa lesa nan yiunan. Tambe mi ke haci un yamada na miembronan di comunidad y clubnan social pa ofrece nan mes como boluntario pa lesa e muchanan na scol. Laga nos haci lectura un iniciativa y un compromiso diario y comunitario