Seminario pa traha mas hunto cu otro
Recientemente Cuerpo Policial Aruba conhuntamente cu Ministerio Publico di Aruba a organisa un seminario cu a hiba e tema di: Traha Hunto cu otro.
Di e forma aki Cuerpo Policial Aruba y Ministerio Publico a conoce otro mas di cerca. E ta un seminario cu diferente departamento di recherche a topa cara cara cu e personal di OM pero tambe e fiscalnan y vice versa. E tabata un seminario cu ambos organisacion ta conoce otro mas di cerca pero tambe e trabou cu cada organisacion ta haci, e proceduranan, maneho pero tambe locual cu por drecha entre ambos organisacion.
Altcomisario di Polis drs. Ramon Arnhem a habri e seminario sigui pa comisario Sr. Robert Candelaria cu ta hefe encarga cu recherche.
E seminario awordo digiri pa coordinadornan di recherche y lider cu ta encabeza e team di recherche di Polis, trahadornan huridico y fiscal di Ministerio Publico.
Esaki ta e comienso di e seminario aki y lo continua den november di e aña aki.
Na final di dia personal di ambos organisacion a keda sumamente contento. Ambos organisacion por a combersa cu otro pero tambe sera conoci cu otro mas di cerca den otro esfera.
