No ta un secreto cu cuerpo di bombero na Aruba tin diferente retonan. Sinembargo Minister Rocco Tjon tin un vision pa esaki. Lo inverti mas den e cuerpo mirando cu pa hopi aña a keda neglisha. Pesey mes ya caba na 2022 a percura pa un inversion adicional riba e presupuesto regular di 7 miyon florin. Cu e placa aki por renoba tur ekiponan personal pa asina nan por eherce nan trabao na un manera safe pa nan mes. Tambe a percura pa renoba e post di San Nicolas.
Manera cu a anuncia algun siman pasa lo bay renoba e aña venidero ful e post di oranjestad cu ta e post di aeropuerto. Esaki ta den e plan pa 2024 y e lo keda ehecuta tambe. Minister Rocco Tjon ta duna di conoce cu tin reunionnan structural cu ta tumando luga cu e sindicato di cuerpo di bombero y te ainda no a presenta esaki na e sindicato , pero si ta desea di haya informacion pa loke ta e plan nan di post di brandweer di Oranjestad cu ta esun di aeropuerto, segun e mandatario e portanan ta habri y por mustra kico ta e plannan y e presupuesto cu lo tin pa ehecuta e plan den 2024.