Un 100 alumno asina di enseñansa básiko i sekundario ta kla pa partisipá na weganan interinsular. E promé partidonan ta tuma lugá di 29 di febrüari te 3 di mart 2024 na Aruba. E deportistanan hóben ta partisipá aya na partidonan di trèfbal mucha muhé, ahedres i dam. Den e periodo di 14 – 17 mart 2024 ta tene e weganan na Boneiru den e kategorianan di futbòl mucha muhé, basketbòl mucha hòmber di skol básiko i akuatlòn. Di 11 – 14 di aprel 2024 ta tene kompetensia di atletismo na Kòrsou, vòlibòl di skol básiko mucha hòmber, i basketbòl pa alumnonan di enseñansa sekundario. E aña akí pa promé biaha ta tene kompetensia di akuatlòn i basketbòl.
Na kaminda pa e kompetensianan interinsular ta forma ekipo ku ta partisipá pa Boneiru na e weganan. E ganadónan ta kompetí e ora ei durante e weganan interinsular kontra partisipantenan di e otro islanan. Kolegio Kristu Bon Wardador ta e ganadó lokal den basketbòl i trèfbal. Skol Amplio Papa Cornes a finalisá na di dos lugá na Boneiru den basketbòl, i ta representá Boneiru den e evento akí. INDEBON den kooperashon estrecho ku skol ta organisá e weganan.
